लक्ष्मी अभिनित पञ्जाबी भिडियो सार्वजनिक

लेन्सनेपाल २०७७ फागुन २४

केही दिन अघि मात्र भारतमा उत्कृष्ट डेब्यू अभिनेत्री (म्युजिक भिडियो)को अवार्ड हात पारेकी नेपाली अभिनेत्री लक्ष्मी बस्नेत अभिनित पञ्जाबी गीतको भिडियो सार्वजनिक भएको छ ।

सार्वजनिक ‘अम्ब्रान दे कागज’ बोलको गीतमा तरुण ऋषिको स्वर, कुलवन्त गरैयाको शब्द र तरुण ऋषिकै संगीत रहेको छ । मयुरेश वाड्कर र राज बैकरको कोरीयोग्राफी रहेको भिडियोलाई सन्नी नागराले निर्देशन गरेका हुन् । रञ्जीत सिंह निर्माता रहेको भिडियोमा लक्ष्मी र मानव यादबको अभिनय रहेको छ ।

Laxmi Basnet

Know more about 'Laxmi Basnet'

लक्ष्मीले पछिल्लो समय मुम्बईमा रहेर मोड्लिङ तथा अभिनयलाई अघि बढाइरहेकी छिन । यसअघि उनी अभिनित ‘अगली डफा’ र ‘तु रहने दे’ बोलका दुई म्युजिक भिडियो सार्वजनिक भइसकेका छन् । लक्ष्मीले मुम्बइमा आयोजित पनास इमेज अवार्डमा गत वर्ष मोडल आइकन अवार्ड र यस वर्ष सोही अवार्डमा उत्कृष्ट डेब्यू अभिनेत्री (म्युजिक भिडियो)को अवार्ड समेत हात पारेकी छिन ।

Do Watch Laxmi Basnet's Featured Movie

Know more about Laxmi Basnet's Filmography

नेपालमा रहदा शो टपरका रुपमा चर्चित लक्ष्मीले थुप्रै फेशन शो र मोडलका रुपमा थुप्रै बिज्ञापनहरुमा काम गरेकी छिन । सन् २०१३ को चलचित्र ‘जलजला’बाट नेपाली चलचित्रमा डेब्यु गरेकी लक्ष्मीले त्यसपछि ‘छ एकान छ’ र ‘मन्दीरा’मा काम गरेकी छिन ।