जन्मदिनको अवसर पारी निर्माता गिरीद्वारा एम्बुलेन्स सहयोग

लेन्सनेपाल २०७५ चैत्र ४

निर्माता सुवास गिरीले जन्मदिनको अवसर पारी सुवास फाउन्डेशनको स्थापना गरेका छन् । समाजिक कार्यमा संलग्न रही आएका निर्माता गिरी अब देखि यही फाउण्डेसन मार्फत समाजिक कार्यलाई अघि बढाउने समेत जनाएका छन् ।

फाउण्डेशन स्थापना सँगै गिरीले गृह जिल्ला सिन्धुलिको दुधौली नगरपालिका वडा नम्बर ५ स्थित सिर्थौली प्राथामिक स्वास्थ्य केन्द्रलाई एम्बुलेन्स हस्तान्तरण गरेका छन् ।

चलचित्र निर्माण, म्यानपावर, होटल लगायतका व्यवसायमा संलग्न गिरीले आफ्नो कमाईको १० प्रतिशत रकम फाउण्डेशनमा जम्मा गर्दै जाने बताएका छन् । गिरीले उक्त रकम दुधौली नगरपालिका बासिको शिक्षा, स्वास्थ्य र खेलकुदको विकासमा सहयोग गर्ने प्रतिबद्धता समेत जनाएका छन् ।