‘ऊनको स्वीटर’को पहिलो साताको ब्यापार ५ करोड ७५ लाख

लेन्सनेपाल २०८२ जेष्ठ २

चलचित्र ‘ऊनको स्वीटर’ले पहिलो सातामा ५ करोड ७५ लाख रुपैयाँ ग्रस कलेक्सन गरेको छ । निर्माण कम्पनी आर्टमाण्डू नेपाल प्रा.ली.ले शुक्रवार बिहान आधिकारिक रूपमा उक्त कलेक्सन रिपोर्ट सार्वजनिक गरेको हो ।

वर्ष २०८२ को पहिलो हिट चलचित्रका रुमा आफूलाई उभ्याएको ‘ऊनको स्वीटर’लाई दर्शकबाट बलियो प्रतिक्रिया मिलेको छ । आजबाट दोस्रो सातामा प्रवेश गरेको चलचित्रले प्रमुख मल्टिप्लेक्सहरुमा ११५ शो पाएको छ भने सिङ्गल थियटर जोड्दा करिब १५० शो हुन आउने जनाइएको छ ।

नवीन चौहानको लेखन तथा निर्देशन रहेको चलचित्रमा विपिन कार्की, मिरुना मगर, परीक्षा लिम्बु, एलेक्स पारस, विल्सन विक्रम राई, सुरज तमु, भावना खपाङ्गी मगर, सुनिल पोखरेललगायतका कलाकारको अभिनय रहेको छ ।