‘पूर्ण बहादुरको सारङ्गी’मा प्रकाश सपुत

लेन्सनेपाल २०८१ बैशाख १४

सरोज पौडेलको निर्देशन रहने चलचित्र ‘पूर्ण बहादुरको सारङ्गी’मा गायक तथा कलाकार प्रकाश सपुत अनुबन्धित भएका छन् । निर्माण पक्षले सपुतसँग केही दिन अघि कागजी सम्झौता गरेको हो । चलचित्रमा उनको भूमिकाको बारेमा भने केही खुलाइएको छैन ।

सेभेन सिज इन्टरटेनमेन्टले निर्माण गर्न लागेको चलचित्र जेठको दोस्रो साताबाट छायांकनमा जाने तयारीमा छ । निर्माण पक्षले यस अघि फिल्मको नाम र थिम भिडियो सार्वजनिक गरेको थियो ।

चलचित्रमा विनोद पौडेल र प्याट्रिक सुवेदीको लगानी रहनेछ भने रमेश चौलागाईं र हरि श्रेष्ठ कार्यकारी निर्माता रहेका छन् । चलचित्रमा प्रशान्त सिवाकोटीको संगीत, महेश दवाडीको पटकथा तथा संवाद रहनेछ ।