Mahajatra

‘साइली’को प्रियिमर, ‘शुभ लभ’को प्रेस शो सम्पन्न

२०७५ चैत्र १५
‘साइली’को प्रियिमर, ‘शुभ लभ’को प्रेस शो सम्पन्न

आजबाट दुई चलचित्र प्रदर्शनमा आएका छन् । रामबाबु गुरुङ निर्देशित चलचित्र ‘साइली’ र सन्तोस बाबु लोहनी निर्देशित चलचित्र ‘शुभ लभ’ ।

कुरा ‘साइली’बाट शुरु गरौं । गरिबीले निम्त्याएको पिडा बोल्ने चलचित्र साइलीमा गौरब पहारी, मेनुका प्रधान, दयाहाङ्ग राई, माओत्सो गुरुङ, प्रकाश अधिकारी लगायतका कलाकारको अभिनय रहेको छ । रिलिजको पूर्व सन्ध्यामा यो चलचित्रको प्रिमियर गरिएको थियो । जहाँ चलचित्र क्षेत्रका चर्चित अनुहार देखि मिडियाकर्मीहरुको बाक्लो उपस्थिति रहेको थियो । प्रिमियरमा चलचित्रकर्मीबाट साइलीलाई तारिफ मिलेको छ ।

यस्तै अर्को चलचित्र ‘शुभ लभ’मा चर्चित युवा ज्योतिषी हरिहर अधिकारी, कृष्टिन पौडेल, राजाराम पौडेल, प्रदिप बास्तोला, सुर्या थापा, रबिन्दै झा, सरोज खनाल लगायतका कलाकारको अभिनय रहेको छ । हरिहर अधिकारीकै कथा रहेको चलचित्रको शुक्रबार बिहान प्रेस शो गरिएको छ । कथामा नयाँ पन दिन खोजेको चलचित्रको प्रेस शोमा उपस्थित पत्रकार र केही चलचित्रकर्मीबाट उत्साहजनक प्रतिक्रिया मिलेको छ ।