चलचित्र ‘प्रकाश’ले उठाएको बर्गिय बिभेद राजेन्द्र लिङ्देनको एजेण्डासँग कति नजिक

बर्गिय बिभेदको मुद्धा उठाएको चलचित्र ‘प्रकाश’ यतिबेला हलहरुमा प्रदर्शन भइरहेको छ । चलचित्रको विषय वस्तुलाई लिएर यतिबेला राजनीतिक बृत्तमा समेत तरङ फैलन थालेको छ । जसका कारण विभिन्न राजनीतिक दलका नेताहरुले चलचित्र हेरिरहेका छन् ।
शैक्षिक संस्थामा हुने राजनीति, वेपत्ता परिवारको अवस्था र कोटा प्रणाली माथी चलचित्र खरो रुपमा उत्रिएको छ । जुम्लाको जनजीवन र परिवेशलाई चलचित्रले टपक्कै टिपेको छ । खासगरि वर्गिय विभेदको मुद्धा चलचित्रमा पेचिलोसँग देखाएको छ ।
विगत देखि नै वर्गिय विभेदको मुद्धा उठाउँदै आएका नेता हुन् राजेन्द्र लिङदेन । राष्ट्रिय प्रजातन्त्र पार्टीका अध्यक्ष लिङ्देनले बुधबार चलचित्र ‘प्रकाश’ हेरेका छन् । चलचित्र हेरेपछि उनले आफुले बिगत ७ वर्ष देखि उठाउँदै आएको वर्गिय विभेदकै मुद्धामा चलचित्र ‘प्रकाश’ खरो रुपमा उत्रिएको बताएका छन् । बुधबार राजधानीको दरबारमार्ग सिनेप्लेक्समा चलचित्र हेरेपछि सञ्चारकर्मीहरुसँग कुरा गर्दै लिङ्देनले यस्तो बताएका हुन् ।
भनिन्छ नेताले घण्टौं लामो भाषण गरेर जनतालाई बुझाउन नसकेका कयौं विषयहरु चलचित्रले केही समयमा नै मन र मस्तिकमा गहिरो छाप पर्ने गरि भन्न सक्छ । सायद लिङदेनलाई पनि चलचित्र हेरेपछि यस्तै महशुस भएर होला ‘प्रकाश’ले उठाएको विषय वस्तुको उनले मुक्त कण्ठले प्रसंसा गरे । राज्यले जनतालाई दिने सेवा सुबिधा जातको आधारमा नभई वर्गका आधारमा हुनुपर्छ भन्दै उनले राज्यले गरिवलाई संरक्षण गर्नु पर्छ भन्ने कुरा आफुले उठाउँदै आएको र ‘प्रकाश’ले पनि यही कुरा देखाउन खोजेको बताए । आफ्नो राजनीतिक एजेण्डासँग चलचित्रको विषयवस्तु नजिक पाएका लिङ्देनले चलचित्रमा देखाए झै अहिलेको राज्य ब्यवस्थाले नजानिदो हिसावले बर्गिय बिभेदलाई प्रोत्साहन गरिरहेको आरोप समेत लगाए । आफुले निरन्तर रुपमा जुन कुरा विरुद्ध आवाज उठाउँदै आएको हो चलचित्रले पनि त्यही मुद्धा उठाएको भन्दै उनले अहिलेको समाज कस्तो छ त्यसलाई चित्रण गर्न ‘प्रकाश’ एकदम सफल भएको जनाए ।
नेपाली राजनीतिको बिकृतिको मार ‘प्रकाश’ जस्तै हाम्रो समजका ब्यक्तिहरुले खेप्नु परेको भन्दै लिङ्देनले भने – यो फिल्म आम जनताले त हेर्नै पर्ने छ, त्यो भन्दा बेसी अहिलेको वर्तमान समयको नेतृत्व गरिरहेको छु भन्ने राजनैतिक दलहरुको नेताहरुले, राजनितिक कार्यकर्ताहरुले हेर्नुपर्छ ।
दिनेश राउत निर्देशित चलचित्रमा प्रदिप खड्का, दिया मास्के, रेनु योगीलगायतका कलाकारको मुख्य भूमिका रहेको छ । बिकास सुबेदीको लेखन रहेको चलचित्रलाई महेन्द्र अधिकारीले निर्माण गरेका हुन् ।
Latest Updates
-
-
‘के घर के डेराः घर नं २’ र ‘हेल्लो काँशीराम’ प्रदर्शनमा, दुबै चलचित्रको बुकिङ कमजोर
-
-
-
‘ऊनको स्वीटर’को व्यापार बढ्दो, दर्शकबाट सकारात्मक प्रतिक्रिया
-
छायाँंछवी डि सिने अवार्डः सौगात र केकी उत्कृष्ट अभिनेता–अभिनेत्री
New Releases (Jestha 2)
-
Ke Ghar Ke Deraa : Ghar No 2
Director : Dipendra K. Khanal
Casts : Khagendra Lamichhane, Aaryan Sigdel, Nischal Basnet, Keki Adhikari, Upasana Singh Thakuri -
Hello Kashi Ram
Director : Rim Bishwakarma
Casts : Dilip Rayamajhi, Nawajyoti Rasaili, Umesh Rai, A. Gurung, Laxmi Bhusal
Next Releases (Jestha 9)
-
Narashimha Avatar
Director : Diwakar Bhattarai
Casts : Rajesh Hamal, Niti Shah, Raj katuwal, Sanisha Bhattarai, Saroj Khanal