कलाकार राज घिमिरे गोदावरी नगरपालिका ३ को वडा अध्यक्षमा विजयी

लेन्सनेपाल २०७९ जेष्ठ २

कलाकार राज घिमिरे (सानु राजा घिमिरे) गोदावरी नगरपालिका वडा नम्बर ३ को वडा अध्यक्षमा विजयी भएका छन् । घिमिरे नेकपा माओवादी केन्द्रको तर्फबाट अध्यक्षका उम्मेदवार थिए ।

चलचित्र ‘चपली हाइट’बाट अभिनयमा डेब्यु गरेका राजले त्यसपछि चलचित्र ‘भिजिलान्ते’मा काम गरेका छन् । उनले केही म्युजिक भिडियोमा पनि अभिनय गरेका छन् ।

घिमिरेले केही अगाडि आफुले वडा अध्यक्ष चुनाव जितेमा अध्यक्षको हैसियतले पाउने कुनैपनि सरकारी सुबिधा नलिने घोषणा समेत गरेका थिए । उनले सामाजिक सञ्जालमा एक पोष्ट गर्दै आफुले पाउने उक्त सेवा सुविधा गरिब तथा जेहेन्दार विद्यार्थीका लागि खर्च गर्ने समेत बताएका छन् ।