निर्माता संघको अध्यक्षमा नवल खड्का निर्विरोध

लेन्सनेपाल २०७९ भाद्र १६
निर्माता संघको अध्यक्षमा नवल खड्का निर्विरोध

नेपाल चलचित्र निर्माता संघको अध्यक्षमा नवल खड्का निर्विरोध निर्वाचित भएका छन् । बुधबार भएको उम्मेदवारी मनोनयनमा कसैको दाबी विरोध नपरेपछि उनी निर्विरोध अध्यक्ष चुनिएका हुन् ।

यस्तै दुई उपाध्यक्ष र महासचिवसहित सम्पूर्ण कार्यसमिति नै निर्विरोध चयन भएको छ । उपाध्यक्षमा उदय सुब्बा र दीपेन्द्र के खनाल निर्विरोध निर्वाचित भएका छन् भने महासचिवमा सुनिलकुमार थापा निर्वाचित भएका छन् । सचिवमा किसान पोखरेल र कोषाध्यक्षमा ज्योतिराज राई समेत निर्विरोध भए ।

सदस्यहरुमा माओत्से गुरुङ, ज्ञानेन्द्र देउजा, खगेन्द्रप्रसाद लामिछाने, रामबाबु गुरुङ, किरण नेपाली र शेखर लामा चुनिएका छन् । कार्यसमिति नै निर्विरोध भएपछि अब चुनाव नहुने भएको छ ।

अध्यक्षमा निविरोध निर्वाचित भए लगत्तै लेन्सनेपालसँग छोटा कुराकानी गर्दै सम्पूर्ण निर्माताबाट सुझाव संकलन गरि त्यसैका आधारमा आफु नेतृत्वको कार्यसमितिले काम गर्ने जनाएका छन् । शनिबार हुने १६ औं वार्षिक साधारणसभामा नवनिर्वाचित कार्यसमितिले औपचारिक घोषणा सँगै पदभार ग्रहण गर्नेछ ।