‘नेपाल ग्रामीण चलचित्र महोत्सव’मा ‘मास्टर क्लास’ हुने
‘नेपाल ग्रामीण चलचित्र महोत्सव’ को दोस्रो संस्करणमा ‘मास्टर क्लास’को सेसन पनि रहने भएको छ । सेलिब्रेटी नेपाल प्रतिष्ठानको आयोजनामा बिहीवार देखि तीन दिन सम्म चल्ने महोत्सवको अन्तिम दिन मास्टर क्लास हुने भएको हो ।
काभ्रेको भकुण्डेबेसीमा हुने महोत्सवमा शनिवार लेखक एवं निर्देशक दीपेन्द्र लामा, अभिनेत्री दीया पुन र अस्कर कलेजका प्रिन्सिपल रामराजा दाहालको ‘मास्टर क्लास’ रहने आयोजक संस्थाका अध्यक्ष रघुनाथ सापकोटाले जानकारी दिए । ग्रामीण चलचित्रको विषयमा उनीहरूको ‘मास्टर क्लास’ हुने भएको हो ।
उनका अनुसार ‘आफ्नै गाउँ, आफ्नै भाषा, आफ्नै चलचित्र’ नाराका साथ हुन लागेको महोत्सवमा दुई दर्जन बढी चलचित्र सहभागी छन् । ‘झिंगेदाउ’, ‘प्रकाश’, ‘डेसान’सँगै तामाङ र गुरुङ चलचित्रहरु महोत्सवमा प्रदर्शन गरिनेछ ।
साउनमा प्रदर्शनमा आउने तयारीमा रहेको लिम्बु संस्कृतिमा बनेको चलचित्र ‘लुङा’को प्रिमियर समेत महोत्सवमा हुने जनाइएको छ । स्थानीय क्षेत्रको भाषा, कला, संस्कृति एवं पर्यटकीय क्षेत्रको प्रवर्द्धन गर्नु र नेपाली चलचित्र हेर्ने बानी बसाल्नु महोत्सवको मुख्य उद्देश्य रहेको आयोजकको भनाई छ ।
काठमाडौंबाट दुई दर्जन बढी चलचित्रकर्मीहरु महोत्सवमा सहभागी हुने आयोजकले जनाएको छ ।
Latest Updates
New Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri
Next Releases (Jestha 10)
-
Pujar Sarki
Director : Dinesh Raut
Casts : Aaryan Sigdel, Pradeep Khadka, Paul Shah, Anjana Baraili, Parikshya Limbu -
Farki Farki
Director : Suyog Gurung
Casts : Anmol K.C., Jassita Gurung, Ravi Kafle, Samriddhi Aryal