‘मायावी’को छायाकंन सुरु

लेन्सनेपाल २०८० असोज ११

चलचित्र ‘मायावी’को छायाकंन सुरु गरिएको छ । मुस्ताङको नीलगिरि हिमाल क्षेत्र र पोखरामा छायांकन हुने चलचित्रको छायाँकन सेड्युयल ३५ दिन तय भएको छ ।

पोखराकै परिवेशमा रहेर कथा बुनिएको चलचित्रमा मुख्य दीपिका प्रसाई, पल शाह, सुशील सिटौला, समिम खान, करिश्मा श्रेष्ठ, प्रशान्त ताम्राकार, राजाराम पौडेल लगायतका कलाकारहरुको अभिनय रहने छ ।

क्रिएटिभ सिने आर्टसको व्यानरमा निर्माण हुन लागेको यो चलचित्रलाई दिवाकर भट्टराईले निर्देशन गर्नेछन् । निर्देशक भट्टराईकै कथा रहेको चलचित्रमा राजु थापाको डिओपी र एसडी योगीको संगीत र राम अविरल विष्टको संगीत छ । चलचित्रमा चन्द्र पन्त र राज कटुवालको लगानी रहने छ ।