‘मनसरा’को गीत ‘झ्यालको’ रिलिज
कवि उपेन्द्र सुब्बाको निर्देशनमा निर्माण भएको चलचित्र ‘मनसरा’को पहिलो गीत रिलिज गरिएको छ । सोमबार इन्टरनेटमा रिलिज गीत ‘झ्यालको’मा चलचित्रका मुख्य कलाकारहरुका केही दृश्यहरु समावेश गरिएका छन् । जसले चलचित्रको कथासार बुझाउँन मदत गर्छन् ।
झुमा लिम्बुको कम्पोजिसन रहेको गीतमा हर्क साउदको शब्द रचना र सनुप पौडेल र झुमा लिम्बुको स्वर सुन्न सकिन्छ । चलचित्रको यसअघि रिलिज टिजर, ट्रेलर तथा फरक शैलीको प्रचारले चलचित्र चर्चाको शिखरमा छ । आज सार्वजनिक गीतले पनि चलचित्रको प्रचारमा ठुलो सहयोग पुग्ने बुझाई निर्माण टिमको छ ।
चलचित्रमा दयाहाङ राई, मिरुना मगर, प्रविण खतिवडा, मेनुका प्रधान, हेमन्त बुढाथोकी शान्ति गिरी, नेनहान राई लगायतको अभिनय रहेको छ । निर्देशक सुब्बाकै लेखन रहेको चलचिका निर्माता तथा छायाँकार शैलेन्द्र ध्वज कार्की हुन् ।
चलचित्रका सह–निर्माता विष्ण कुमार लिम्बु, मनोरथ पोखरेल, पर्शु अधिकारी, पिटर गुरुङ र जीवन लिम्बु थाक्लुङ हुन् भने सिजन दाहाल कार्यकारी निर्माता हुन् । चलचित्र बैशाखको २१ गतेबाट प्रदर्शन हुनेछ ।
Latest Updates
New Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri
Next Releases (Jestha 10)
-
Pujar Sarki
Director : Dinesh Raut
Casts : Aaryan Sigdel, Pradeep Khadka, Paul Shah, Anjana Baraili, Parikshya Limbu -
Farki Farki
Director : Suyog Gurung
Casts : Anmol K.C., Jassita Gurung, Ravi Kafle, Samriddhi Aryal