चलचित्र ‘मनसरा’ प्रदर्शन, आक्रामक ब्यापारको अपेक्षा

लेन्सनेपाल २०८१ बैशाख २१

आजबाट चलचित्र ‘मनसरा’ प्रदर्शनमा आएको छ । उपेन्द्र सुब्बाको लेखन तथा निर्देशन रहेको चलचित्रले देशभरका हलमा उच्च शो पाएको छ ।

बुधबार सम्पन्न प्रिमियरमा सकारात्मक प्रतिक्रिया पाएका कारण पनि चलचित्रको ब्यापार राम्रो हुने आंकलन गरिएको छ । यद्यपी शुक्रबारको बिहानी शोको उल्लेख्य अकपेन्सी देखिएको छैन । माउथ पब्लिसिटीका कारण दिउसोबाटै चलचित्रले पिकअप लिने संकेत भने देखिएको छ ।

सामाजिक कथाको चलचित्रले निःसन्तान दम्पती र छुटिएका श्रीमान श्रीमतीको कथा भन्छ । चलचित्रमा प्रविण खतिवडा, दयाहाङ राई, मिरुना मगर र मेनुका प्रधान मुख्य भूमिकामा छन् ।

छायांकार शैलेन्द्र ध्वज कार्की निर्माता रहेको चलचित्रका सह–निर्माता विष्ण कुमार लिम्बु मनोरथ पोखरेल, पर्शु अधिकारी, पिटर गुरुङ र जीवन लिम्बु थाक्लुङ हुन् ।