‘के घर के डेराः घर नम्बर २’को छायांकन सुरु

लेन्सनेपाल २०८१ श्रावन २५

चलचित्र ‘के घर के डेराः घर नम्बर २’को छायांकन सुरु गरिएको छ । नाग पञ्चमीको अवसर पारेर शुक्रबार ललितपुरको भैसेँपाटीस्थित कार्यविनायक मन्दिरमा मुहूर्त गर्दै छायाँकन थालिएको हो । चलचित्रको छायाँकन गोदाबारीबाट शुरु भएको छ ।

दिपेन्द्र के. खनालको निर्देशन रहने चलचित्रमा आर्यन सिग्देल, केकी अधिकारी, खगेन्द्र लामिछाने, निश्चल बस्नेत, उपासना सिंह ठकुरी, प्रकाश घिमिरे, श्रृजना नापित, संजोग रसाइली, बालकलाकार रुविना घिमिरे लगायतको अभिनय रहनेछ ।

घरबेटी र डेरावालको कथामा केन्द्रित हुने जनाइएको चलचित्रलाई बुद्धिसागरले लेखेका हुन् भने कृष्णबहादुर थापाले छायााकन गर्दैछन् । चलचित्रका निर्माता शरद श्रेष्ठ, किरण महर्जन र राजिव श्रेष्ठ हुने भने युवराज कार्की कार्यकारी निर्माता हुन् ।