‘क्याप्टेन साब’को शुभमुहूर्त, क्याप्टेन थापाको जीवनीलाई खनालले निर्देशन गर्ने

लेन्सनेपाल २०८२ आषाढ २६

क्याप्टेन रामेश्वर थापाको जीवनीमा आधारित रहेर चलचित्र ‘क्याप्टेन साब’ निर्माण हुने भएको छ । बिहीबार काठमाडौंको गौरीघाटमा चलचित्रको शुभमुहूर्त गरिएको हो । मूर्हत सटको क्ल्याप व्यवसायी डा. उपेन्द्र महतोले हानेका थिए भने क्याप्टेन थापाले निर्देशन गरेका थिए ।

पाइलटसमेत रहेका ब्यवसायी तथा सञ्चार उद्यमी थापाको जीवनीमा आधारित चलचित्रलाई दीपेन्द्र के खनालले निर्देशन गर्नेछन् । चलचित्रमा अभिनेता खगेन्द्र लामिछाने, अभिनेत्री सुरक्षा पन्त र सञ्जोग रसाइली मुख्य भूमिकामा छन् ।

पटकथा प्रडक्सनको प्रस्तुति रहने चलचित्र निर्माणमा यार्सा स्टुडियोसँगै रिच इन्टरटेन्मेन्ट पनि जोडिएको छ । चलचित्रमा निर्देशक खनाल, करण श्रेष्ठ र श्रृष्टिमा खनालको लगानी रहने छ । चलचित्रको कार्यकारी निर्मातामा सिर्जना नापित छिन् ।

कृष्णबहादुर थापा छायाकार रहेको चलचित्रको छायांकन काठमाडौंसँगै चितवन र काभ्रेका विभिन्न स्थानमा हुनेछ । चलचित्र भदौको पहिलो साताबााट छायांकनमा जाने जनाइएको छ ।