चलचित्र ‘बाकस’ निर्माणको घोषणा, नवीन पन्तले निर्देशन गर्ने

लेन्सनेपाल २०८२ आषाढ २६

चलचित्र ‘बाकस’ निर्माणको घोषणा गरिएको छ । गुरु पूर्णिमाको अवसर पारी बिहिबार थिम पोष्टर सार्वजनिक गर्दै चलचित्र निर्माणको घोषणा गरिएको हो ।

पिके इन्टरटेनमेन्ट प्रा.लि.को ब्यानरमा बन्ने चलचित्रलाई नवीन पन्तले निर्देशन गर्नेछन् । निर्देशक पन्तकै लेखन रहने चलचित्रको हाल प्रि–प्रोडक्सनको काम भइरहेको जनाइएको छ । निर्माण पक्षले चाँडै नै कलाकार तथा प्राविधिकको छनोट कार्य पुरा गर्ने जानकारी दिएको छ ।

नेपाली परिवेशको कथामा निर्माण गरिने जनाइएको चलचित्रको छायाँकन नेपाल र विदेशमा गरिने बताइएको छ । यद्यपी कुन देश भन्ने खुलाइएको छैन ।

तिहारपछि फ्लोरमा जाने तयारीमा रहेको चलचित्रमा शंकर अधिकारी घायल र नारायण बस्नेतका गीत रहनेछन् ।