चलचित्र ‘कडी’ को शुभमुहूर्त, नेत्र गुरुङको निर्देशन रहने

लेन्सनेपाल २०८० जेष्ठ २४

नेत्र गुरुङको निर्देशनमा बन्ने चलचित्र ‘कडी’ को शुभमुहूर्त गरिएको छ । पोखराको विन्ध्यावासिनी मन्दिरमा पुजा सहित शुभमुहूर्त गरिएको हो ।

नेत्र इन्टरटेन्मेन्ट ब्यानरमा सुस्मिता फिल्मस्को सहकार्यमा बन्न लागेको चलचित्रको पोखरा आसपासका क्षेत्रमा छायाँकन हुने छ । सस्पेन्स थ्रिलर जनरामा बन्ने चलचित्र मार्फत दर्शकलाई आफुले नौलो स्वाद पस्कन चाहेको गुरुङले जनाएका छन् ।

चलचित्रमा बद्री प्रसाद तिवारी, सोफी धरेल, प्रकाश घिमिरे, कमल भण्डारी, सुगत करणजीत, विकास खनाल, संगम कायस्थ, राजेन्द्र अधिकारी, राम बास्तोला, सरिता दानकुटी, प्रमिला तुलाचन, अर्जुन खड्का लगायतका कलाकारहरुको अभिनय रहनेछ ।