रक्षा बन्धनको अवसरमा ‘हजार जुनीसम्म’ प्रदर्शन

लेन्सनेपाल २०७६ श्रावन ३०

रक्षा बन्धनको अवसर पारी आजबाट चलचित्र ‘हजार जुनीसम्म’ प्रदर्शन भएको छ । शुक्रबार मात्र नयाँ चलचित्रहरु प्रदर्शन हुने भनिए पनि रक्षा बन्धनको अवसर भएकोले बिहिबार नै चलचित्र प्रदर्शन गरिएको निर्माण पक्षले जनाएको छ ।

विकाश राज आचार्यको निर्देशन रहेको चलचित्रमा स्वस्तिमा खड्का, सलोन बस्नेत, अखिलेस प्रधान, आर्यन सिग्देल, प्रिंयका कार्की, संचिता लुईंटेल, शिवहरी पौडेल, दिपाश्री निरौला र बालकलाकार अनुभव रेग्मीको पनि अभिनय रहेको छ ।

विशाल चाम्लिङ्गको निर्माण रहेको चलचित्रको कार्यकारी निर्माता कविता रेग्मी हुन् । विशाल चाम्लिङ्गको कथा रहेको चलचित्रमा निर्देशक आचार्य र सामिप्यराज तिमिल्सेनाको पटकथा तथा संवाद, पुरुषोत्तम प्रधानको छायाँकन, कविराज गहतराको कोरियोग्राफी, उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत र अर्जुन जिसीको सम्पादन छ ।