Mansara

प्रदर्शनमा चलचित्र ‘गोर्खा वारियर’

२०८० फागुन ११
प्रदर्शनमा चलचित्र ‘गोर्खा वारियर’

चलचित्र ‘गोर्खा वारियर’ आजबाट प्रदर्शनमा आएको छ । नेपाली, हिन्दी, अंग्रेजी र कोरियन सहित चार भाषामा बनेको चलचित्रको नेपाली संस्करण आजबाट प्रदर्शनमा आएको हो ।

शुक्रबार बिहानैबाट चलचित्रको राम्रो ब्यापार गरिरहेको निर्देशक मिलन चाम्सले जानकारी गराएका छन् । निर्देशक चाम्सले भने –  ‘बिहानको शोमा केही ठाउँ हाउसफुल भयो भने केही ठाउँमा ८०÷९० प्रतिसतको अक्युपेन्सी रहेको छ । ११ बजेको शोको बुकिङ पनि अत्यन्त राम्रो छ ।’ 

ललितपुर क्षेत्रमा रहेका राई लिम्बु समुदायका करिब ६०० जनाले शुक्रबार ११ बजे ललितपुरको जाउलाखेल स्थित चिडिया खाना क्षेत्रबाट चलचित्र समर्थनमा ब्यानर बोकेर आफ्नो भुषभुसा र गाजाबाजा सहित चलचित्र हेर्ने आह्वान सहितको र्याली निकालेका थिए । सो र्याली लबिम मलमा गएर टुँगिएको थियो । र्यालीपछि कतीपय दर्शकले पहिलो शोमा टिकट नपाएपछि दोश्रो शोमा चलचित्र हेरेका थिए ।

चलचित्रमा क्याप्टेन रितेश चाम्स, क्याप्टेन विजय लामा, रेविका गुरुङ, रियर राई, शिशिर बाङ्देल, कविता आले, बिरूप घले, सारा राईलगायत कलाकारको अभिनय छ ।

Mahajatra