चलचित्र ‘मोहर’को गीत ‘झुम झुम झुम्किका’ सार्वजनिक

लेन्सनेपाल २०८२ आषाढ २३

चलचित्र ‘मोहर’को गीत ‘झुम झुम झुम्किका’ सार्वजनिक गरिएको छ । सार्वजनिक गीतमा एसडी योगी र विज्ञानी पराजुलीको स्वर, हर्क साउदको शब्द र एसडी योगीकै संगीत छ ।

सार्वजनिक गीतको भिडियोमा अभिनेता पल शाह र अभिनेत्री बेनिशा हमाललाई फिचरिङ गरिएको छ । गीतमा कलाकार मिथिला शर्मा र बाल–कलाकार सारा शर्मालाई पनि देख्न सकिन्छ ।

ओम प्रतिकको निर्देशन रहेको चलचित्र साउन २३ गतेदेखि प्रदर्शन हुने छ । फिल्म मेकर्सको व्यारनमा निर्माण भएको चलचित्रका निर्माता चुम्बन जंग शाही हुन् । चलचित्रमा अर्जुन जंग शाही, रवीन्द्र झा, लक्ष्मी गिरीको पनि मुख्य भूमिका छ ।

चलचित्रमा कुमार महर्जनको एक्सन, दिपेन बस्न्यातको छायांकन, सुरेश अधिकारी, एसडी योगी र थानेश्वर गौतमको संगीत छ ।