विल्सनको ‘मैझारो’मा धिरज अनुबन्धित

लेन्सनेपाल २०८२ आषाढ २३

तक्मे प्रोडक्सनको ब्यानरमा चलचित्र ‘मैझारो’ निर्माण हुने भएको छ। सोमबार निर्माण पक्षले धीरज मगरलाई मुख्य अभिनेताका रुपमा अनुबन्ध गर्दै चलचित्र निर्माणको घोषणा गरेको हो ।

चलचित्रको लेखन तथा निर्देशन कलाकार विल्सन विक्रम राईले गर्नेछन् । यो उनको डेब्यु निर्देशन हो । चलचित्रमा अनमोल गुरुङ र तोरेम्पा हाङ राईको संगीत रहनेछ भने सौरभ लामाले छायांकन गर्नेछन् । निर्माण टिमका अनुसार अन्य कलाकारहरूको नाम चाँडै सार्वजनिक गरिनेछ।

साउनको पहिलो हप्ताबाट चलचित्रको छायांकन शुरु हुने छ । निर्देशक राईले चलचित्रको छायांकन ईलाम र पाँचथरका बिभिन्न स्थानहरूमा गर्ने बताए । उनका अनुसार चलचित्रमा सामाजिक कथावस्तुमा आधारित पूर्वी पहाडको जीवनशैली, संस्कृति र सामाजिक यथार्थ प्रस्तुत हुनेछ ।