‘कार्साङ’मा अनुबन्धित भए दयाहाङ राई

लेन्सनेपाल २०८० जेष्ठ २४

अहिलेका व्यस्त अभिनेता दयाहाङ राई चलचित्र ‘कार्साङ’मा अनुबन्धित भएका छन् । यार्सा फिल्मस्को ब्यानरमा निर्माण हुने चलचित्र याम शेर्पाको लेखन तथा निर्देशनमा बन्ने छ ।

पुरुषोत्तम प्रधानको छायाँकन रहने चलचित्रको ९० प्रतिशत छायांकन बाह्रबिसे र बाँकी भोटेकोसीमा हुने निर्माण पक्षले जनाएको छ । अन्य कलाकार तथा प्राविधिक भने टुङ्गिन बाँकी छ ।

सामाजिक कथामा बन्ने चलचित्रका अन्य कलाकार अडिसन मार्फत छनौट गर्ने निर्देशक शेर्पाले जनाएका छन् । शेर्पाले यसअघि थुप्रै छोटा चलचित्रको निर्देशन गरिसकेका छन् ।