‘दान्भी’ पोष्टरमा पूजाको एक्सन अवतार

लेन्सनेपाल २०८० मंसिर २०

नायिका पूजा शर्माको मुख्य भूमिका रहेको चलचित्र ‘दान्भी’को फस्टलुक सार्वजनिक गरिएको छ । फस्टलुकमा नायिका पूजा शर्माको एक्सन अवतारलाई प्रस्तुत गरिएको छ । लभ स्टोरी फिल्ममा जमिरहेकी पूजाको यो परिवर्तनले उनका दर्शकहरुलाई उत्साहित बनाउन सक्छ ।

रुपेश तामाङको निर्देशनमा तयार भएको चलचित्रमा देव मगर र अनुप गडालको लगानी छ । पवन रानामगर कार्यकारी निर्माता रहेको चलचित्रका सह निर्माता कमला लिम्बु, पन्च बहादुर तामाङ र श्रवणकुमार श्रेष्ठ हुन् ।

चलचित्रमा संजोग रानाको संवाद, हरि लामा ‘घले’को छायांकन, बन्दे प्रसादको सम्पादन, अर्जुन पोखरेल, नागेश जोशी र केदार राज नेपालीको संगीत, कविराज गहतराज र राहुल बराइलीको कोरियोग्राफी र श्री श्रेष्ठको एक्सन छ ।