चलचित्र ‘चिठ्ठी’ निर्माण हुने

लेन्सनेपाल २०७८ भाद्र २६

चलचित्र ‘चिठ्ठी’ निर्माण हुने भएको छ । माधवराज खरेलको निर्देशनमा बन्ने चलचित्रको हालै औपचारिक घोषणा गरिएको छ ।

केही दिनमा छायाँकन आरम्भ हुने चलचित्रमा मोहन निरौला, नवराज थापा, मुस्कान लामा, नम्रता खरेल पौडेल, खड्गबहादुर पुनमगर ‘खबपु’, गोपाल ढकाल ‘छन्दे’, कञ्चन चालिसे लगायतका कलाकारको अभिनय रहने छ । चलचित्रमा नायक श्रीदेव भट्टराई बिशेष भुमिकामा देखिनेछन् ।

पिम नेपालको प्रस्तुति रहने चलचित्रको कथा सस्पेन्स र थ्रीलर रहने बताईएको छ । शान्तिप्रिय काष्टिङ निर्देशक रहेको चलचित्रमा जिवन पराजुलीकोे छायाँकन, किरण दाहालको द्वन्द्व रहने छ । चलचित्रका निर्माता कमला जोशी र सह–निर्माता राजन थापा हुन् ।