फागुन १ देखि ‘चपली हाइट ३’ पुनः प्रदर्शनमा आउने

लेन्सनेपाल २०७८ माघ २६

चलचित्र ‘चपली हाइट ३’ फागुन १ गतेदेखि पुनः प्रदर्शनमा आउने भएको छ । गत पुष ३० गतबाट प्रदर्शनमा आएको यो चलचित्रको प्रदर्शन कोरोना संक्रमणको तेस्रो लहरका कारण बिचैमा स्थगित भएको थियो । सरकारले गत माघ ३ गतेबाट चलचित्र हल बन्द गर्ने निर्णय गरेपछि रोकिएको चलचित्र फागुन १ गतेबाट पुनः प्रदर्शन हुन लागेको हो ।

निर्माण टिमले मंगलबार विज्ञप्ति जारी गर्दै चलचित्र पुनः प्रदर्शनमा आउन लागेको जानकारी दिएको छ । निर्माता अर्जुन कुमारले आफूहरुले दोस्रो मौका पाएको बताएका छन् ।

क्राइम थ्रिलर ‘चपली हाइट ३’लाई निकेश खड्काले निर्देशन गरेका हुन् । चलचित्रमा स्वस्तिमा खड्का, सुपुष्पा भट्ट, आमिर गौतम, महेश त्रिपाठी लगायतको शीर्ष भूमिका छ ।