संगीतकार संघको अध्यक्षमा अष्ट लामा

लेन्सनेपाल २०८२ जेष्ठ १८

संगीतकार संघ नेपालको अध्यक्षमा अष्ट लामा निर्वाचित भएका छन् । शनिबार सम्पन्न १३ औं वार्षिक साधारणसभा तथा सातौं अधिवेशनबाट लामा अध्यक्षमा निर्विरोध निर्वाचित भएका हुन् ।

यस्तै वरिष्ठ उपाध्यक्षमा राजेश थापा, प्रथम उपाध्यक्षमा शंकर थापा स्माइल, द्वितीय उपाध्यक्षमा राजेन्द्र बजगाईं, महासचिवमा दिनेश वान्तवा राई, सचिवमा दिपक शर्मा र कोषाध्यक्षमा योगेन्द्र उपाध्याय निर्विरोध निर्वाचित भएका छन् । त्यसैगरी सदस्यहरुमा बबिना भट्टराई, हरि सायमी, कमलीकान्त भेटवाल, तारावीर पाण्डे र अर्जुन कौशल निर्विरोध निर्वाचित भएका छन् ।

संस्थाको कार्यसमिति १३ सदस्यीय रहेको छ । जसका कारण एक जना सदस्य नवगठित कार्य समितिले चयन गर्ने प्रथम उपाध्यक्ष शंकर थापा स्माइलले जानकारी दिए ।