‘ए साथी सुन’को गीत ‘मनले भन्छ’ सार्वजनिक

लेन्सनेपाल २०८० बैशाख १८

चलचित्र ‘ए साथी सुन’मा समावेश ‘मनले भन्छ’ बोलको गीत सार्वजनिक गरिएको छ । सार्वजनिक गीतमा हर्क साउदको शब्द रचना र उज्वल सागरको संगीत र स्वर रहेको छ । सार्वजनिक लिरिकल भिडियोमा चलचित्रका मुख्य अभिनेता रमेश बानियाँ र अभिनेत्री वर्षा सिवाकोटी बिचको प्रेम र वियोगको पाटोलाई दर्शाइएको छ ।

लभस्टोरी, थ्रीलर र कमेडी जानराको चलचित्रमा बर्षा र रमेशका अलवा आयन खड्का, सुशिल पोखरेल, जयनन्द लामा, रमेश अधिकारी, बिमला गिरी लगायतको अभिनय छ । कृष्मा खड्का र इभान सन्जेल पनि बाल कलाकारको भूमिकामा अभिनय गरेका छन् ।

जेष्ठ ५ गतेबाट प्रदर्शनको तयारीमा रहेको चलचित्रमा राम राघव आचार्यको लेखन तथा निर्देशन रहेको छ । चलचित्रलाई बीना कार्की र सन्तोषकुमार राईले मिलेर निर्माण गरेका हुन् । चलचित्रको सह–निर्मातामा सुदीप पौडेल छन् ।