उपराष्ट्रपतिले गरे ‘क्याप्टेन’को प्रशंसा

लेन्सनेपाल २०७५ फागुन २८
उपराष्ट्रपतिले गरे ‘क्याप्टेन’को प्रशंसा

उपराष्ट्रपति नन्दबहादुर पुन ‘पासाङ’ ले चलचित्र ‘क्याप्टेन’को प्रशंसा गरेका छन् । काठमाडौंको कमलपोखरीमा रहेको विग मुभिजमा चलचित्र क्याप्टेन हेरेपछि सञ्चारकर्मीलाई सक्षिप्त प्रतिक्रिया दिदै उनले चलचित्रको खुलेरै तारिफ गरेका हुन ।

चलचित्रको कथा र कलाकारहरुको अभिनय मन परेको बताएका उनले युवापिढी र राष्ट्रवादीहरुलाई चलचित्र हेर्न आग्रह गर्दै उनले भने – ‘एकदमै राम्रो लाग्यो फिल्म । सबै नेपालीले एकपटक छुटाउन नहुने फिल्म बनेको छ । स्वास्थ्य, समृद्धि र देशका लागि खेल भन्ने सन्देशसहित फिल्मले खेलभित्र देखा पर्ने विकृतीहरुलाई पनि देखाएको छ । साथै फिल्मले खेल र देशप्रति माया गर्नेहरुलाई ठूलो शिक्षा पनि दिन्छ ।’ 
 
उपराष्ट्रपति पुनले अभिनेता केसी र अभिनेत्री उपासना सिंह ठकुरीको समेत खुलेरै प्रसंसा गरेका छन् । अनमोललाई सुपरस्टारको उपमा दिदै उज्ज्वल भष्यिको कामना गरेका उनले उपसनालाई असाध्धै राम्रो नायिकाको रुपमा चित्रण गरे । उनको भविष्य राम्रो देखेको बताएका उपराष्ट्रपतिले अन्य कलाकारको भने नाम लिएनन् । बरु निर्माता तथा अभिनेता भुवन केसीको तारिफ गर्न भ्याए ।

उपराष्ट्रपतिसँगै क्याप्टेन हेर्न अभिनेता शिव श्रेष्ठ, कलाकार तथा निर्माता किरण केसी, गायिका अञ्जु पन्तलगायत पनि पुगेका थिए । सबैले चलचित्रको प्रसंसा नै गरेका छन् । दीवाकर भट्टराई निर्देशित चलचित्र दोस्रो सातामा प्रदर्शन भइरहेको छ ।