‘घरज्वाइँ’ को फस्टलुक पोस्टर सार्वजनिक

लेन्सनेपाल २०८१ बैशाख १२

मगर संस्कृतिमा आधारित चलचित्र ‘घरज्वाइँ’ को फस्टलुक पोस्टर सार्वजनिक गरिएको छ । अनिल बुढा मगरको निर्देशनमा जनक घर्ती मगरले निर्माण गरेको चलचित्रका दुई डिजाइनका पोस्टर सार्वजनिक गरिएको हो ।

पूर्वी रुकुम आसपारमा करिव एक महिना छायांकन गरिएको चलचित्रको शिर्ष भूमिकामा दयाहाङ राई र मिरुना मगरको अभिनय रहेको छ । निर्देशक अनिलकै कथा रहेको चलचित्रको पटकथा, संवाद लेखनमा भने उनलाई बिनोद खतिवडा र सुभाष कोइरालाले साथ दिएका छन् ।

जिएम मुभीजको ब्यानरमा निर्माण भएको चलचित्रमा सुसन प्रजापतिको छायाँकन, हर्क साउदको शब्द र मनोज थापाको शब्द र संगीत छ । कृष्ण भन्डारीले सम्पादन गर्ने चलचित्र असार २८ गते प्रदर्शन हुने जनाइएको छ । चलचित्रमा दयाहाङ र मिरुनाका साथमा बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्क बहादुर पुन (खबपु), कविता आले, शिला आलेलगायतको अभिनय छ ।