विजयको निर्देशनमा ‘परिवर्तन’ बन्ने

लेन्सनेपाल २०८२ जेष्ठ ११

विजय केरुङको निर्देशनमा चलचित्र ‘परिवर्तन’ बन्ने भएको छ । चलचित्रले नेपालको सिमाना सुरक्षाको संवेदनशीलता, भ्रष्टाचारको सञ्जाल, र गरिब, दुखी तथा असहाय जनताको पीडादायी यथार्थलाई देखाउने निर्देशक केरुङले जनाएका छन् ।

चलचित्रमा अञ्जना बराइली, सुशील श्रेष्ठ, सुनिल थापा, बुद्धि तामाङ, करिश्मा मानन्धर, आशा पौडेल, सुवास मेचे, पुकार भट्टराई, आएशा कार्की, गौतम तिवारी, यमनाथ खरेललगायत कलाकारहरूको अभिनय रहनेछ ।

दिब्यासी फिल्म्स प्रा.लि.को ब्यानरमा निर्माण हुने चलचित्रका निर्माता दीपक सिवाकोटी हुन् । चलचित्रमा शिवम अधिकारीको पटकथा तथा संवाद, शिव ढकालको छायाङ्कन, भूपेन्द्र अधिकारीको सम्पादन, श्री श्रेष्ठको द्वन्द्व निर्देशन, कमल राईको नृत्य निर्देशन र पोस्टर तथा पब्लिसिटी डिजाइन रोयल भीमसेन र ट्राइडेन्ट कन्सेप्टले गर्नेछन् ।

आगामी साताबाट पूर्वी नेपालका विभिन्न जिल्लाहरूमा छायाङ्कन हुने जनाइएको छ । निर्माण पक्षले यसै वर्षभित्र चलचित्र प्रदर्शनमा ल्याउने लक्ष्य राखेको छ ।