ओम प्रतिकको ‘मोअर’ आगामी वर्षको साउन २३ मा

लेन्सनेपाल २०८१ चैत्र १३

चलचित्र ‘मोअर’को प्रदर्शन मिति तय गरिएको छ । निर्देशक ओम प्रतिकले आउँदो वर्षको साउन २३ गतेलाई प्रदर्शन मिति तोकिएको जानकारी दिएका छन् ।

ओम प्रतिकको कथा रहेको चलचित्रमा पल शाह, बेनिशा हमाल, नीति शाह, अर्जुन जंग शाही लगायतका कलाकारहरूको अभिनय छ ।

चुम्बन जंग शाहीको निर्माण रहेको चलचित्रमा दिपेन बस्न्यातको छायांकन, सुरेश अधिकारी र एसडी योगीको संगीत र कुमार महर्जनको एक्सन छ । काठमाडौं, पाल्पा, प्युठान, रोल्पा, दाङ लगायतका छायाँकन गरिएको चलचित्रको कथावस्तुबारे निर्माण पक्षले कुनै पनि सूचना सार्वजनिक गरेको छैन ।