‘लण्डन टु पेरिस’को पहिलो गीत ‘खुल्ला आकाश’ रिलिज

लेन्सनेपाल २०८० चैत्र २७

चलचित्र ‘लण्डन टु पेरिस’को पहिलो गीत ‘खुल्ला आकाश’ रिलिज गरिएको छ । मंगलबार राजधानीमा आयोजित एक कार्यक्रमका बीच गीत रिलिज गरिएको हो ।

सार्वजनिक गीतमा हर्कुलस बस्नेतको शब्द, संगीत र स्वर रहेको छ । गीतको भिडियोमा डेव्यु अभिनेता निश्चल खड्कासँग अभिनेत्री साम्राज्ञी राज्यलक्ष्मी शाहलाई रोमान्टिक अवतारमा प्रस्तुत गरिएको छ । लण्डनमा खिचिएको गीतका रमणीय दृश्यले दर्शकको मन जित्ने विश्वास निर्माण टिमको छ ।

चलचित्रमा साम्राज्ञी र निश्चलका साथै कविर खड्का, गरिमा शर्मा, रुष्मा थापा, मनिश श्रेष्ठ र मनिष गान्धीको प्रमुख भूमिका रहेको छ । ट्राभल लभस्टोरीको कथा भन्ने चलचित्रलाई प्रदीप भारद्धाजले लेखेका हुन् । घनश्याम लामिछाने निर्देशित चलचित्रका निर्मातामा अमित बस्नेत, आरोन बस्नेत, एरियाना बस्नेत तथा परी राना रहेका छन् ।