गीता अधिकारीको ‘छम्म छम्म नाचौं न’

लेन्सनेपाल २०७९ श्रावन १५

तीज गीत ‘छम्म छम्म नाचौं न’ सार्वजनिक भएको छ। सार्वजनिक गीतमा सञ्चारकर्मी गीता अधिकारीको शब्द, शान्तिश्री परियार र सारिका घिमिरेको स्वर र योगेशकाजीको संगीत रहेको छ ।

शनिबार राजधानीमा आयोजित एक कार्यक्रम बिच गायिका ज्ञानु राणा, संगीतकार राजु सिंह, संगीतकार सन्तोष श्रेष्ठ, साहित्यकार शैलेन्द्र चापागाईं लगायतले गीत सार्वजनिक गरे ।

नारायण रिजालको निर्देशन रहेको गीतको भिडियोलाई रोशन बुढाथोकीले कोरियोग्राफी गरेका छन् । सात दिदीबहिनीको कथा बुनिएको भिडियोमा रश्मी भट्ट, सारिका घिमिरे, रेनुका रिजाल, सुस्मिता लामा, संगीता श्रेष्ठ, आरती थापा मगर, सुस्मिता पौडेल, सपना रिमाल, माया थापालगायत कलाकार फिचर्ड छन् ।

भिडियोमा नरेश खरेलको श्रृंगार, राहुल राईको छायांकन र विष्णु शर्माको सम्पादन छ ।