चलचित्र ‘द ब्ल्यू लाइट’ निर्माण हुने

लेन्सनेपाल २०८२ जेष्ठ ६

चलचित्र ‘द ब्ल्यू लाइट’ निर्माण हुने भएको छ । मंगलबार थिम पोस्टर सार्वजनिक गर्दै चलचित्र निर्माणको घोषणा गरिएको हो ।

चलचित्रलाई बलिराम चौहानले निर्देशन गर्नेछन् । चौहान चलचित्र ‘बलिदान’का लेखक मध्येका एक तथा मुख्य सहायक निर्देशक हुन् । चौहानको यो डेब्यु निर्देशन हो ।

स्काइफल पिक्चर्सको निर्माण रहने चलचित्रको सह–निर्मातामा रमन ग्रे रहेका छन् । नरेन्द्र मैनालीको छायाँकन रहने चलचित्र सन् २०२५ भित्रै रिलिज हुने जनाइएको छ ।

चलचित्रको कलाकार, प्राबिधिक तथा विषयवस्तुबारे केही समयमा जानकारी दिने निर्माण पक्षको तयारी छ ।