सकियो चलचित्र ‘अन्जिला’को छायांकन

लेन्सनेपाल २०८० मंसिर १७

मिलन चाम्सको निर्देशन रहेको चलचित्र ‘अन्जिला’को छायांकन सकिएको छ । इलामको आइतबारेबाट छायांकन सुरु गरिएको चलचित्रको शनिबार ३४औँ दिनमा काठमाडौंमा इण्डक्ल्याप गरिएको हो । चलचित्रको छायाँकन इलाम, झापा र काठमाडौँमा गरिएको छ ।

महिला राष्ट्रिय फुटबल टिमकी गोलरक्षक एन्जिला तुम्बापो सुब्बाको जीवनबाट प्रभावित चलचित्रमा एन्जिला सँगै दयाहाङ राई, मिरुना मगर, सिर्जना सुब्बा, माओत्से गुरुङ, बुद्धि तामाङ, विजयबराल, हरि खड्का, लगायतको अभिनय छ ।

प्रेम कुमार श्रेष्ठको लगानी रहेको चलचित्रको सहनिर्मातामा राजेश बगडिया र विनोद अग्रवाल रहेका छन् । छायाङ्कन सकिएपछि निर्माताले अभिनेत्री एन्जिला र निर्देशक चाम्सलाई एक–एकथान स्कुटर उपहार प्रदान गरेका छन् ।