सलमान खान नेपाल आउने

लेन्सनेपाल २०७८ फागुन ५

बलिउड अभिनेता सलमान खान नेपाल आउने भएका छन्। वैशाख ३ गते काठमाडौंको दशरथ रंगशालामा हुने सांगीतिक कार्यक्रममा सहभागी हुन उनी नेपाल आउन लागेका हुन् । ओडीसी इन्टरटेनमेन्टले सलमान सहित अभिनेत्री सोनाक्षी सिन्हा, ज्याकलीन फर्नान्डिज, निर्देशन तथा कोरियोग्राफर प्रभु देवा, मनिष पौललगायतलाई नेपाल ल्याउन लागेको हो ।

ओडीसी इन्टरटेनमेन्टका प्रमुख सीमान्त गुरुङले नेपाल आउने कलाकारलाई सम्झौताअनुसार भुक्तानी गर्नुपर्ने कूल रकममध्ये ४ करोड रुपैयाँ पारिश्रमिक पठाउन बुधबार पर्यटन मन्त्रालयबाट राष्ट्र बैंकमा भुक्तानी पठाउन सिफारिस पत्र समेत लिएका छन् ।

यसअघि २०७४ फागुन २६ गते ‘दबंगस् द सलमान खान लाइभ इन नेपाल’ कार्यक्रममा सलमान सहितका कलाकार सहभागी हुने जनाइए पनि सुरक्षाका कारण भन्दै कार्यक्रम स्थगित भएको थियो । सोही सम्झौताअनुसार अब भने सलमान आउन लागेको बुझिएको छ ।