‘प्रेम दिवस’को अवसर पारेर ‘रङ्गी’ र ‘दुःखी आत्मा’ प्रदर्शनमा

लेन्सनेपाल २०८१ फागुन २

‘प्रेम दिवस’को अवसर पारेर आजबाट दुई नेपाली चलचित्र ‘रङ्गी’ र ‘दुःखी आत्मा’ प्रदर्शनमा आएका छन् । फरक फरक विषयका यि चलचित्रले बजारलाई चलचित्रमय बनाउने अपेक्षा गरिएको छ ।

कुरा शुरु चलचित्र ‘रङ्गी’बाट गरौं । बाबु–छोरीको भावनात्मक सम्बन्धको कथा प्रस्तुत गर्ने यो चलचित्रलाई अभिनेता सलोन बस्नेतले निर्माण गरेका हुन् ।
एकल बाबुले आफ्नो सन्तानलाई हुर्काउन गरेको सङ्घर्ष र मिहिनेतको कथा भनेको चलचित्रमा अभिनेता सलोनले बाबुको भूमिका र बाल कलाकार आयुषी ढकालले छोरीको भूमिका निर्वाह गरेका छन् । सुरेश न्यौपानेको निर्देशन रहेको चलचित्रमा नम्रता श्रेष्ठ, दिलिप रायमाझीलगायतका कलाकारको पनि अभिनय रहेको छ ।

यो पनि पढ्नुहोस्
‘रंगी’को प्रिमियरम सम्पन्न, चलचित्रकर्मीले गरे तारिफ

त्यस्तै, दीपेन्द्र लामाद्वारा निर्देशित ‘दुःखी आत्मा’लाई हिमाल कडरियाले निर्माण गरेका हुन् । यौन दुर्बलताको विषयलाई उठाएको चलचिमा दयाहाङ राई, आँचल शर्मा, अनुप बिक्रम शाही लगायतका कलाकारको अभिनय रहेकमे छ । चलचित्रले प्रिमियरमा सुखद प्रतिक्रिया पाएको छ ।