चलचित्र ‘दि कर्मा’ को टिजर सार्वजनिक

२०७५ असोज ७
चलचित्र ‘दि कर्मा’ को टिजर सार्वजनिक

चलचित्र ‘दि कर्मा’ को टिजर सार्वजनिक गरिएको छ । टिजरमा एकपात्रको एङग्री लुक्समात्र देखाइएको छ । चलचित्रमा भारतका मोडल तथा कलाकार करण वर्माको अभिनय रहेको छ । उनको सुगठित शरीरलाई विशेष ध्यानमा राखेर टिजर तयार गरिएको देखिन्छ ।

चलचित्र मंसिर ७ गतेबाट प्रदर्शन हुने जनाइएको छ । जय राज रायले निर्माण गरेको चलचित्रलाई देव कुमार श्रेष्ठले निर्देशन गरेका हुन् । चलचित्रमा नीता ढुंगाना, परमिता राज्यलक्ष्मी राणा, बुद्दी तामाङ्ग, देव कुमार श्रेष्ठ, अनुप सक्सेना, संगीता नापितलगायतका कलाकारहरुको अभिनय रहेको छ ।

नेपाल र भारतको सिमा क्षेत्रमा हुने घटनामा बनेको यो चलचित्रलाई रामेश्वर कार्कीले छायाँकन गरेका छन् । चलचित्रमा अष्ट महर्जनको द्वन्द्व छ र रामजी लामिछानेको कोरियोग्राफी छ ।

चलचित्रको कथा निर्माता राय आँफैले लेखेका हुन् । निशा खतिवडा निर्मात्रीको रुपमा रहेको चलचित्रको छायाँकन नेपालको तराई क्षेत्रमा भएको हो ।

काठमाडौंमा काफिया फिल्मस् र उपत्यका बाहिर बैङकेटेश ईन्टरटेन्मेन्टले चलचित्रको वितरण गर्नेछन् ।

LPT
Gaun Aayeko Bato