‘मनसरा’को अग्रिम टिकट बुकिङ खुल्ला

लेन्सनेपाल २०८१ बैशाख १९

चलचित्र ‘मनसरा’को अग्रिम टिकट बुकिङ खुल्ला गरिएको छ । शुक्रबारबाट रिलिज हुने चलचित्रको बुधबारबाट टिकट बुकिङ खुल्ला भएको हो ।

क्यूएफएक्सलगायत हलले अग्रिम टिकट बुकिङ खुल्ला गरेका हुन् । क्यूएफएक्सले देशभरका हलमा ‘मनसरा’लाई ६९ शो दिएको छ । क्यूएफएक्सले काठमाडौंमा २८ र मोफसलमा ४१ शो उपलब्ध गराएको छ ।

वान सिनेमाजले दुईवटा आउटलेटमा १२ शो उपलब्ध गराएको छ । देशकै दोस्रो ठूलो मल्टिप्लेक्स चेन आईएनआई लगायतका हलमा अग्रिम टिकट बुकिङ खुल्ला हुन बाँकी छ । बुधबार साँझसम्म देशभरका सम्पुर्ण हलमा अग्रिम बुकिङ खुल्ला हुनेछ । सुरुवाती अवस्था हेर्दा चलचित्रले मल्टिप्लेक्सदेखि सिंगल स्क्रिनसम्म उच्च शो पाउने देखिन्छ ।

उपेन्द्र सुब्बाको लेखन तथा निर्देशन रहेको चलचित्रमा दयाहाङ राई, मिरुना मगर, प्रविण खतिवडा, मेनुका प्रधान, हेमन्त बुढाथोकी शान्ति गिरी, नेनहान राई लगायतको अभिनय रहेको छ । चलचिका निर्माता तथा छायाँकार शैलेन्द्र ध्वज कार्की हुन् ।

चलचित्रका सह–निर्माता विष्ण कुमार लिम्बु, मनोरथ पोखरेल, पर्शु अधिकारी, पिटर गुरुङ र जीवन लिम्बु थाक्लुङ हुन् भने सिजन दाहाल कार्यकारी निर्माता हुन् । चलचित्र बैशाखको २१ गतेबाट प्रदर्शन हुनेछ ।