बिहीबार विवाह गर्दै केकी अधिकारी, रोजिन फोर्ब्सको धनाढ्य सूचीमा रहेका रोहित

लेन्सनेपाल २०७९ बैशाख ७

नायिका केकी अधिकारी विवाह बन्धनमा बाँधिने भएकी छन् । केकीले प्रेमी रोहित तिवारीसँग बिहीबार विवाह गर्न लागेकी हुन ।

विवाहलाई गोप्य राख्न खोजेकी केकीले पारिवारिक सदस्य र केही साथीभाइबीच बुधवार मेहन्दी उत्सव मनाएकी छन् ।

केकी र रोहित केही समयदेखि प्रेम सम्बन्धमा थिए । तर उनीहरुले आफ्नो सम्बन्धलाई गोप्य राख्दै आएका थिए । केकीका नजिकका साथीहरु लाई उनिहरुको सम्बन्ध थाहा भए पनी मिडियाले सुइको पाउन सकेको थिएन ।

रोहित तिवारी हाम्रो बजार डटकमका सीइओ तथा फुडमारियोका सह-संस्थापक तथा सीइओ हुन । रोहित फोर्ब्सको सन् २०२० मा एसियाबाट ३० वर्षमुनिका धनाढ्यको सूचीमासमेत परेका थिए।