भारतमा ‘हजार जुनीसम्म’

लेन्सनेपाल २०७६ फागुन ३०

चलचित्र ‘हजार जुनीसम्म’ भारतका केही हलमा प्रदर्शन गरिने भएको छ । विकासराज आचार्यले निर्देशन गरेको चलचित्र मार्च १३ देखि प्रदर्शन हुने भएको हो ।

प्राप्त जानकारी अनुसार नेपालीभाषी बसोबास गर्ने सिलीगुरीको इनोक्स सिटी सेन्टर, इनोक्स भेजा मल, दार्जिलिङको इनोक्स रिङ्क मल, कुर्सियोङ्गको फान्टासिया, कालिम्पुङको ड्रिम थियटर, सिक्किमको पनि ड्रिम थियटर, गान्तोकको डेन्जोङ्ग हल र नाम्चीको इपेरियल टाकिजमा चलचित्र प्रदर्शन हुनेछ ।

सिक्किमका विभिन्न स्थानमा छायाँकन गरिएको चलचित्र पारिवारिक कथामा निर्माण भएको छ । चलचित्रमा आर्यन सिग्देल, स्वस्तिमा खड्का, अखिलेस प्रधान, सलोन बस्नेत, सञ्चिता लुईंटेल, शिवहरी पौडेललगायतका कलाकारको अभिनय छ । कविता रेग्मी कार्यकारी निर्माता रहेको चलचित्रका निर्माता विशाल चाम्लिङ हुन् ।