चन्द्रको ‘आ बाट आमा’मा विपनापछि पल शाह अनुबन्धित

लेन्सनेपाल २०८२ जेष्ठ २०

चलचित्र ‘आ बाट आमा’मा पल शाह अनुबन्धित भएका छन् । चलचित्रका लागि निर्देशक चन्द्र पन्त र अभिनेता शाह बिच औपचारिक सम्झौता भएको हो ।

शाहले चलचित्रको स्क्रिप्ट मन परेकाले काम गर्न राजी भएको बताए । उनले भने – ‘सबैभन्दा पहिला त चलचित्रको स्क्रिप्ट मन पर्यो मलाई । स्क्रिप्ट एकदमै इमोसनल छ । अनि टिममा पनि दिग्गज कलाकारहरुको टिम लिएर निर्माण गर्न लाग्नु भएको रहेछ । त्यसैले पनि मैले काम गर्न लागेको हो ।’

चलचित्रमा आफ्नो क्यारेक्टरको बारेमा उनले जानकारी दिन चाहेनन् । यसअघि चलचित्रको शीर्ष भूमिकामा अभिनेत्री विपना थापा अनुबन्धित भइसकेकी छन् । चलचित्रमा पल उनकै छोराको भूमिकामा देखिन लागेको बुझिएको छ ।

अभिमन्यू निरवीको लेखन रहेको चलचित्रका अन्य कलाकार तथा प्राबिधिकहरु सार्वजनिक नगरिए पनि फाल्गुन १५ गतेबाट प्रदर्शन मिति तोकिएको् छ ।