कालिका मन्दिरमा ‘माइतीघर’को शीर्ष गीत ‘वसन्त नै बस्न खोज्छ’को छायाङ्कन

लेन्सनेपाल २०८२ जेष्ठ १९

चलचित्र ‘माइतीघर’को शीर्ष गीत ‘वसन्त नै बस्न खोज्छ यहाँ लोलाएर’को छायाङ्कन बागलुङको कालिका मन्दिरमा गरिएको छ । गीतको भिडियोमा चलचित्रका अभिनेत्रीहरू उपासना सिंह ठकुरी र श्यामाश्री शेर्पाले नृत्य गरेका छन् ।

सन् १९६६ रिलिज चलचित्र ‘माइतीघर’को शिर्ष गीतलाई नै यो चलचित्रमा समावेश गरिएको हो । नयाँ संस्करणको गीतमा सञ्जीवनीको स्वर रहेको छ । गीतमा किरण खरेलको शब्द र जयदेवको सङ्गीत रहेको छ । भिडियोको कोरियोग्राफी कमल राईले गरेका छन् ।

मिलन तामाङ ले निर्देशन गरिरहेको चलचित्रमा तामाङ संस्कृतिलाई पनि महत्त्वपूर्ण हिस्साको रूपमा समावेश गरिएको छ । सुसन प्रजापति को छायाङ्कन रहेको चलचित्रमा रोहित अधिकारी, रविन शेरचन र धिरज तामाङको लगानी छ । कार्यकारी निर्माता ईश्वर श्रेष्ठ र नीरज कटुवाल हुन्।

चलचित्रमा केदार घिमिरे, धिरज मगर, प्रकाश सपुत, उपासना सिंह ठकुरी, श्यामाश्री शेर्पा, युवराज लामा, बुद्धि तामाङ, शिशिर वाङ्देल लगायतका कलाकारहरूको अभिनय रहेको छ । चलचित्र दसैँमा रिलिज हुने तयारीमा छ ।