‘टि सिरिज’ले ‘बार्दली’को हिन्दी भर्जन

लेन्सनेपाल २०८२ बैशाख १५

नेपाली गायक सुशान्त केसीको चर्चित गीत ‘बार्दली’को हिन्दी संस्करण सार्वजनिक भएको छ । नेपाली र हिन्दी भाषाको फ्युजन रहेको गीत भारतीय संगीत उत्पादन कम्पनी ‘टि सिरिज’ले सार्वजनिक गरेको हो ।

टि सिरिजको युट्युब च्यानलबाट सार्वजनिक गीतको बोल ‘उफ’ राखिएको छ । मेल पार्टलाई हिन्दी भाषामा रुपान्तरण गरिए पनि फिमेल पार्ट भने नेपाली नै छ । इन्द्रकला राईले स्वर दिएको फिमेल पार्ट जस्ताको तस्तै राखिएको छ ।

गीतको भिडियोमा सुशान्त र स्वस्तिमा खड्का फिचर्ड छन् । नेपाली गीतको भिडियो जस्तै सेटिङ भएपनि नेपाली गीतको भिडियोमा देखिएका अन्य कलाकार भने हिन्दी भर्सनमा छैनन् । भिडियोमा नयन राइृको निर्देशन र छायाँकन रहेको छ । गीतको नेपाली संस्करण निकै हिट भएको थियो ।