चलचित्र ‘सुश्री सम्पति’को दोस्रो गीत ‘झुम्की’ सार्वजनिक

लेन्सनेपाल २०७५ कार्तिक २१

चलचित्र ‘सुश्री सम्पति’को दोस्रो गीत सार्वजनिक गरिएको छ । तिहारको अवसर पारि एक कार्यक्रमका बिच चलचित्रमा समावेश आइटम सङ ‘झुम्की’ सार्वजनिक गरिएको हो । सार्वजनिक गीतमा प्रियंका कार्की, सलोन बस्नेत, बिनोद न्यौपाने प्रमोद अग्रहरीलगायतका कलाकारहरुको अभिनय रहेको छ । प्रियंका कार्की बोल्ड अवतारमा प्रस्तुत गीतको कोरियोग्राफी कबिराज गहतराजले गरेका हुन । गीतमा शब्द र संगीत सुरेश अधिकारीको रहेको छ भने मिना निरौला र राजन इशान स्वर छ ।

Sushree Sampati

Know more about Nepali Movie 'Sushree Sampati'

सुव्रतराज आचार्यको निर्देशन रहेको चलचित्रको कथा पनि उनैको हो भने पटकथा अभिमन्यू निरवीको र सम्बाद अभिमन्यु र निर्देशक आचार्यको रहेको छ । चलचित्रमा सलोन बस्नेत, सारा सिर्पाइली, बिनोद न्यौपाने, प्रमोद अग्रहरी, राजाराम पौडेल, सुनिता श्रेष्ठलगायतका कलाकारहरुको अभिनय रहेको छ भने प्रियंका अतिथी भुमिकामा देखिएको बताइएको छ ।

रमेश त्वायना प्रस्तुतकर्ता रहेको चलचित्रमा विज्ञान राई, नुनम सुब्बा र रमन सिलाकारको लगानी रहेको छ । मंसिर २८ गतेलाई चलचित्रको प्रदर्शन मिति तय गरिएको छ ।