‘सम्हालिन्छ कहिले मन’को ‘हराएँ हराएँ’ सार्वजनिक

लेन्सनेपाल २०७९ श्रावन ३१

चलचित्र ‘सम्हालिन्छ कहिले मन’को ‘हराएँ हराएँ’ बोलको गीत सार्वजनिक गरिएको छ । सार्वजनिक गीतमा ताराप्रकाश लिम्बु र अनु चौधरीको स्वर रहेको गीतमा आनन्द अधिकारीको शब्द तथा ताराप्रकाश लिम्बुको संगीत छ । कविराज गहतराजको कोरियोग्राफी रहेको गीतमा पूजा शर्मा र आकाश श्रेष्ठ फिचर्ड छन् ।

सुदर्शन थापा निर्देशित चलचित्रको यो गीत यूके र मुस्ताङमा छायांकन गरिएको हो । रोमान्टिक भावको गीतमा स्कटल्याण्डका केही चुचुरोहरुलाई छायांकार सौरभ लामाले आकर्षक ढंगले कैद गरेका छन् ।

महेश दवाडीको लेखन रहेको चलचित्रमा पूजा र आकाशका अलावा डेब्यु अभिनेता सोनम तोप्देन, सरोज खनाल, धिरेन शाक्य, गौरी मल्ललगायतका कलाकारहरुको अभिनय छ ।

एबी इन्टरनेशनलसंग भिक्टर सिनेमा लिमिटेडले निर्माण सहकार्य गरेको चलचित्रमा अर्जुन पोखरेल, ताराप्रकाश लिम्बु र जेम्स प्रधानको संगीत र अर्जुन जिसीको सम्पादन छ । भदौ १७ बाट रिलिज हुने चलचित्रमा अमित बस्नेत, अजित केआर थापा र परी रानाको लगानी छ ।