बेनिशा र सौगातको ‘सिटामोल’को गीत रेकर्ड

लेन्सनेपाल २०८० बैशाख १०

निर्माणको तयारीमा रहेको चलचित्र ‘सिटामोल’को गीत ‘झुम्का कानैमा’को रेकर्ड गरिएको छ । गोविन्द भट्टको शब्द, बाबुल गिरीको संगीत तथा एरेन्ज रहेको गीतमा बाबुल गिरी र रोशनी श्रेष्ठ (राई)को स्वर छ ।

राजबहादुर सानेको निर्देशनमा बन्न लागेको चलचित्र ‘सिटामोल’मा सौगात मल्ल, बेनिशा हमाल, बुद्धी तामाङ, ज्ञानु सुनार, ध्रुव दत्त अनुबन्धित भइसकेका छन् । बाँकी अन्य कलाकार चाँडै अनुबन्धित गरिने निर्देशक सानेले बताए ।

चलचित्रको कथा साने स्वयंको हो । चलचित्रले नेपाली समाजमा घटिरहेको वास्तविक घटनालाई प्सतुत गर्ने निर्देशक शानेले जनाएका छन् । हरेक मानिस विभिन्न पीडामा हुन्छन्, त्यसलाई निको पार्ने सिटामोलको रूपमा चलचित्र बन्नेछ ।’ ‘सिटामोल’ आफ्नो करिअरकै उत्कृष्ट चलचित्र बन्ने उनको दाबी छ ।

चलचित्रमा रमेश वन गोसाईं र श्याम थापाको लगानी रहनेछ ।