सकियो चलचित्र ‘शिवांशः च्याप्टर १’को छायाङ्कन

लेन्सनेपाल २०८२ श्रावन १४

चलचित्र ‘शिवांशः च्याप्टर १’को छायाङ्कन सकिएको छ । ३६ औँ दिनमा चलचित्रको सम्पूर्ण छायाँकन सकिएको जनाइएको छ । पोखराको पामेमा ‘उकुस मुकुस’ बोलको गीतको छायाङ्कनसँगै चलचित्रको इण्डक्ल्याप गरिएको हो ।

सन्तोष आत्रेयको निर्देशन रहेको चलचित्रमा तेज गिरी, विमला लिम्बु, प्रवीण खतिवडा, रुशा न्यौपाने, विकास जोशीलगायतका कलाकारको अभिनय रहेको छ ।

अन्जान सिनेमा प्रोडक्सन हाउसको ब्यानरबाट निर्माण भएको चलचित्रका निर्माता अन्जन केसी हुन्, भने कथा पनि उनैले लेखेका हुन् ।चलचित्रको सह निर्माता शोभा केसी र अनिशा केसी बोगटी रहेकी छन् ।

चलचित्रमा न्ह्यु बज्राचार्य र राजनराज शिवाकोटीको संगीत, मिलन श्रेष्ठको द्वन्द्व, शरद महतोले गरेको छायाँकन र विक्रम चौहानको नृत्यनिर्देशन रहेको छ । चलचित्र असोज २४ मा प्रदर्शन हुने जनाइएको छ ।