फष्टलुकसँगै ‘सारंग’को प्रदर्शन मिति सार्वजनिक

लेन्सनेपाल २०८१ असोज ११

बाल मनोबिज्ञान, बालअधिकार तथा धनी र गरिब परिवारबीचको खाड्लको बिषयमा निर्माण गरिएको चलचित्र ‘सारंग’ को फष्टलुक पोस्टर बिहीबार सार्वजनिक गरिएको छ । कोरियोग्राफरको रुपमा समेत परिचित प्रशान्त तामाङको डेब्यु निर्देशन रहेको चलचित्रको फस्र्टलुकसँगै प्रदर्शन मिति पनि तोेकिएको छ । चलचित्र ०७ मंसिरबाट देशब्यापी प्रदर्शनमा आउने छ ।

पोस्टरमा अभिनेत्री ऋचा शर्मा, उत्पल झा, बालकलाकार सम्राट थापा र आदित्य कार्कीलाई प्रस्तुत गरिएको छ । निर्देशक तामाङ स्वयम्को लेखन रहेको चलचित्रमा समिरमणि दीक्षित, सुरज तमु, मणि के राई, अनिषा न्यौपाने, निरज ब्ल्याक, दीपीका थापा, सुमन सागर जंग केसी, बिश्व स्याङ्वो, प्रभात जंगलगायतको अभिनय रहेको छ ।

दर्शन बुद्ध फिल्मस्को ब्यानरमा निर्माण भएको चलचित्रमा गोपाल रायको छायाँकन, मित्र डि. गुरुङको सम्पादन, डिपी खनालको गीत र शंकर थापा ‘स्माइल’को संगीत रहेको छ ।