चलचित्र ‘सानो मन’को गीतको टिजर

लेन्सनेपाल २०७५ चैत्र २८

छायाँकनरत चलचित्र ‘सानो मन’को म्युजिकल टिजर सार्वजनिक गरिएको छ । चलचित्रमा समावेश गीत ‘रानु कम्मर’को टिजर सार्वजनिक गरिएको हो । केही समयमा गीत सार्वजनिक गरिने जनाइएको छ ।

आयुष्मान देशराज जोशी र शिल्पा मास्केलाई फिचर्ड गरिएको गीतलाई साजन सिंहले कोरियोग्राफी गरेका हुन् । सलमान खानका पर्सनल डान्स ट्रेनर समेत रहेका साजनले बलिउडमा समेत काम गरिसकेका छन् । गीतमा रोमन बज्राचार्य, सुयोग गुरुङ्ग र सिमा राईको स्वर छ ।

म्यूजिकल लभस्टोरी जनरामा निर्माण भएको चलचित्रको छायाँकन अहिले अन्तिम चरणमा पुगेको छ । सुयोग गुरुङको निर्देशन रहेको चलचित्रलाई योगेश गुरुङ, राजिव श्रेष्ठ र राजेन्द्र मानन्धरले निर्माण गरेका हुन । चलचित्रमा आयुषमान र शिल्पाका अलवा गौरी मल्ल, विशाल पहारी, शिशिर वाङदेल, रश्मी भट्टलगायतका कलाकारहरुको पनि अभिनय रहेको छ ।