‘रुमानी रङ्ग’ निर्माणको औपचारिक घोषणा

लेन्सनेपाल २०८० फागुन १०

चलचित्र ‘रुमानी रङ्ग’ निर्माणको औपचारिक घोषणा गरिएको छ । बिहिबार राजधानीमा आयोजित पत्रकार सममेलनका बिच चलचित्र निर्माणको घोषणा गरिएको हो ।

अनिल योञ्जनको लेखन तथा निर्देशन रहने चलचित्रमा साम्राज्ञी राज्यलक्ष्मी शाह र धिरज मगरको मुख्य भूमिका रहने छ । साम्राज्ञी र धिरजले ‘इन्टु मिन्टु लन्डनमा’ पछि दोश्रो पटक स्कृन सेयर गर्न लागेका हुन् ।

ग्लोबल मिडिया एण्ड रिसर्च सेन्टर प्रा लिको व्यानरमा निर्माण हुने चलचित्रका प्रस्तुतकर्ता जिएम ठकुरी हुन् भने निर्माता हरि मल्ल ठकुरी हुन् । आविस्कार बहुसंचार प्रा लिको निर्माण सहकार्य रहनेछ चलचित्रको अष्ट्रेलियाको लाइन प्रोडियूसरमा डिव्वाईज इन्टटेन्मेन्ट रहेको छ । यो कम्पनीले थुप्रै नेपाली चलचित्रको अष्ट्रेलियामा वितरण गरिसकेको छ । सुशिल थापा, श्रीजन बस्नेत, सन्तोष सरु तथा विजय अधिकारी चलचित्रका सहनिर्माता छन् ।

चलचित्रको ९० प्रतिशत सुटिङ अष्ट्रेलियामा हुनेछ भने बाँकी १० प्रतिशत नेपालमा हुनेछ । चलचित्रले वर्तमान समयको आधुनिक प्रेमकथा प्रस्तुत गर्ने जानकारी निर्माणपक्षले दिएको छ । निर्माणपक्षले यसलाई रंगिन प्रेमकथा भनेको छ ।

वैशाखको पहिलो साताबाट फ्लोरमा जाने चलचित्रमा महेश पौडेलको छायाँकन रहने छ ।